इथून पुढे सुरुवात कर..
इथून पुढे सुरुवात केली
चाचपडत सावली नेली
इथून पुढे ? कुठून पुढे ?
प्रश्नांसंगे बुद्धी गेली
तरी तू पुन्हा पुन्हा हेच आवाहन कर
इथून पुढे सुरुवात कर !
इथून पुढे सुरुवात कर !
जखमा हृदयी , घाव गहिरे ,
आवाज गर्जविला, जन बहिरे,
विचारांची तूला , तुला समजलो
नित्यनेमाने पुन्हा अवघडलो
तरी तू पुन्हा पुन्हा हेच आव्हान कर
इथून पुढे सुरुवात कर !
इथून पुढे सुरुवात कर !
ते दिसतय, तन जळतय
यश दुरावलय ,मन कळतंय
रिकाम्या हृदयी शल्य सलतय
पाय घणाचे वजन नडतय
तरी तू पुन्हा पुन्हा हेच आव्हान कर
इथून पुढे सुरुवात कर !
इथून पुढे सुरुवात कर !
बस झालं , खूप झालंय
इथून फिरून सार गेलंय
जड झालंय भार उचलून
तुला न कळता वळत नेलय
तरी तू पुन्हा पुन्हा तेच आव्हान कर
आता इथून पुढे तूच सुरुवात कर !
इथून पुढे सुरुवात कर !
@ Adv. H.D.Vaishampayan
Comments
Post a Comment